改變

《詩篇 69篇32章》
「謙卑的人看見了，就喜樂。尋求神的人，願你們的心甦醒。」

謙卑人看見了什麼？為什麼因為看見了這些而喜樂？ 其實佢係看見惡人遭報、自己因謙卑而被神拯救和高升到極處，因而喜樂。同一篇《詩篇》的前一兩節是這樣說：
27 願你在他們的罪上加罪，不容他們在你面前稱義。
28 願他們從生命冊上被塗抹，不得記錄在義人之中。
29 但我是困苦憂傷的。神啊，願你的救恩將我安置在高處。
但第32節就說：「尋求神的人，願你們的心甦醒。」

意思就係我們的心要儆醒和明亮，就係我們要正視我地唔肯改嘅弱點，唔好逃避，要悔改，這樣我地嘅盲點先至會打開，心看見我們才能改變得到。其實這就是接續上一篇分享嘅七點嘅第八點，係一個謙卑人一定會做。我過去28年都係這樣做，使我能夠與神同工和同行，祂亦與我同在。

所以第八點就係「改變」。改變其實係有三個層次，係在乎你嘅受教和正視自己問題嘅程度，因為改變係先苦後甜，被改正或被指出問題時係唔舒服、係羞辱性、係痛苦，覺得人地係到辱罵緊你、惡待和得罪緊你，等於子女被父母管教時係不好過的，但受管教而學得快的乖叻仔女，永遠是蒙福的。

第一個層次是最好的，好似主耶穌一様，心裡柔和謙卑，完全受教於神，神只要講一句，心就立即敏銳地聽見和回應，立即接受、看見和悔改，這種是最謙卑受教的人，檢討和反醒力非常強，一定能夠無師自通，這些通常係每個時代神的原動開荒者偉人，非常強，以諾、挪亞、約伯、亞伯拉罕、約瑟、摩西、大衛、以利亞、主耶穌、保羅、梁日華等等，就係此等人。
第二個層次就係一些人係佢嘅幾個%嘅弱項和盲點上改極都改唔到，或者無知，又聽唔到神嘅聲音，神直接改唔到佢，他重覆無意地犯錯，但當神藉著講道、教導、分享、預言或領袖、師父的直接指正時，佢能夠聽見，而且非常留心和正視，然後悔改，重用策略和方法一生管治自己，跳出自己的盲點，突破自己的弱點，在弱點上改進和成長甚至擴展成強項，這是第二好，以撒、約書亞、以利沙、彼得、約翰、提多等等，就係此種人，屬於第二代的領袖，我也是此種人。

第三種就是平信徒，就算領袖講左他們也未必聽、未必正視、未必改，甚至輕視或逃避，直至神冇辦法要藉大苦難逼使他們因受苦而肯正視，因受苦而被迫改變，聖經說這就是在患難中要以為大喜樂。

《雅各書1章2節》
「我的弟兄們，你們落在百般試煉中，都要以為大喜樂。」

第三種，係好過冇，係最差果種，屬於第三個層次，連這層次都唔回應就無藥可救了。第一和第二個層次都叫主動嘅信仰，他們一生受的苦，叫做為義受逼迫，係神安排給他們磨練他們的；第三個層次嘅信仰係被動嘅，所受的苦係自作自受的。