富足所帶來的驕傲

《以西結書 28:5》
「你靠自己的大智慧和貿易增添貲財， 又因貲財心裡高傲。」

撒旦和人一樣， 驕傲是有原因的。
第一： 上次講了， 是因為嫉妒神， 希望高升到神的位置被敬拜， 因而驕傲。
第二： 今次分析， 就是與神分離， 獨立倚靠自己， 不倚靠神。

人倚靠神給予自己的恩賜、智慧、聰明、才能去建立自己的成就。當有一番事業嘅時候，走去吃了分辨善惡樹嘅果子，忘記一切係來自神，歸榮耀給自己。覺得叻是因為自己，不是因為神。自高自大，自我王國開始建立，覺得無神都可以無限成功，覺得神係自己嘅限制者和偷竊者，不服神。尤其是發左達，富足了，成為財主。

當然聖經告訴我們撒旦係因貿易不公而發了財，最後驕傲。換句說話講，撒旦驕傲嘅第二個特質就係依靠自己、不擇手段在神以外尋求建立成功，因而驕傲。受造物發覺唔需要神，靠自己都得，我叫這做另起爐灶為押沙籠的靈。係癌細胞、係毒瘤、係與神分離獨立出來而自我嘅驕傲。

所以要成為謙卑人，永遠與神不分離，永遠依賴神。不能在神以外做什麼，要認知一個事實：所有都是神的，所有都是因神和靠神的，所有都歸功於神，沒有在神以外的成功。我永遠是主的人，永遠作主的愛奴，永恆忠貞。我深深認知和相信：沒有神我什麼都不能作。我們只能吃生命樹嘅果子，神嘅生命取替我們嘅生命，凡事只藉神的生命去作。

我要飲水思源，永遠不作忘恩負義的人。驕傲永遠不能使我同受膏者和神嘅家分裂和另起爐灶。 所以千祈唔好一時衝動、一時驕傲或者一時氣憤，輕易離開神最初帶你去而栽種你在其中嘅那個屬靈群體。

最後，以上的經文比了一個提示我們，錢財嘅迷惑加上驕傲最能敗壞我們的心，所以為什麼貪財係萬惡之根。我們要永遠緊記、絕對嘅小心，要一生逃避富足所帶來的驕傲。