敬畏神的副手

《尼希米記 7章2節》

「我就派我的弟兄哈拿尼， 和營樓的宰官哈拿尼雅， 管理耶路撒冷。  因為哈拿尼雅是忠信的，又敬畏神過於眾人。」

從以上例子可以看到， 領袖選擇副手去管理一個城市都係以兩點作準， 第一就是忠信， 而第二就是敬畏神， 可見敬畏神係非常重要的一個要求， 因為甚麼也不提， 只提這兩樣。

無錯！  為人忠心、  信實，  作為一個領袖或管理者嘅副手嚟講， 係非常重要，  因為他們是中流砥柱， 柱躉式的領袖， 眾人的榜樣，尤其是在服侍、  支持和幫助第一領袖上要做到絕對忠心、 可信靠、 誠信度高、 承擔力強、非常負責任，為人、 處事和做事信實交帶，實而不華， 做人講信用和有口齒， 對領袖和對眾人鞠躬盡瘁， 純全正直，誠實無偽， 竭盡所能， 持久穩定， 貫徹始終，無論幾艱苦都堅持到底， 順服以至於死。 

我有26年做副手的經驗，我知道擁有以上是很重要和關鍵的。感謝神！我亦學習成為一個咁嘅人。約書亞是《聖經》中其中一位最出色的副手，他也是這樣為人忠信而且敬畏神，結果最後成為第一領袖摩西的接班人。

第二個要求就是敬畏神。《尼希米記7：2》說：「敬畏神過於眾人」。

原來敬畏神係有好多不同程度和層次，若果達到敬畏神過於所有跟從者，就可以作他們的領袖和管理者。這樣來說，領袖的設立都是按敬畏神的程度定準，可見敬畏神在神國中的價值和位置。

敬畏神的人不會只作眼前功夫，他裡裡外外都是敬畏神。佢知道私底下做嘅所有東西神都看見、都知道。佢非常著重神的感受和睇法，唔想神傷心，因為他同神有一個愛慕和敬重嘅關係，所以凡事為神而做，不是為人而做；凡事做俾神睇，不是做俾人睇；凡事討好神，不是討好人；凡事從心裡切實執行神所有的真理和心意，係自動自覺。以上都係敬畏神的人嘅自然生命流露，是源自於敬畏神的內涵。

所以，副手是敬畏神就少咗好多問題和煩惱，多咗好多優勢和好處，而且可以放心信任他。他自動自覺會做到最好，不論在性格似神或工作上，佢會主動自律和優質化所有東西。佢係獨當一面的領袖，全因為敬畏神！

《新約》中另一個擁有以上兩個優點的好副手，就係保羅的好同工提多。佢係保羅一生最好的助手，貢獻很大，能人所不能，都係因為敬畏神。