今生的驕傲

《約翰一書 2:16》
「因為凡世界上的事， 就像肉體的情慾， 眼目的情慾， 並今生的驕傲， 都不是從父來的， 乃是從世界來的。」

這一節聖經之前的一節說：「不要愛世界， 愛世界的， 愛父的心就不在他裡面。」原來人嘅心被設計出嚟係只可以愛一樣東西， 一係愛神、 一係愛世界， 一係愛天父、 一係愛瑪門（錢財）， 為什麼不能兩樣都愛？

答案就在下一節，我們因為愛神而遵行神的旨意，我們要放棄很多世界短暫的東西，我地要先求神的國，否則世界和短暫就成為我們嘅目標。因為世界被撒旦掌管、擁有和歪曲了。當中有太多嘢同神嘅律係完全違背，世界和神係完全兩個唔同、相反嘅目標和路徑，一個係短暫，一個係永恆。

我地愛神嘅人係客旅，只係路過這世界和今生，永恆先至係我地嘅目的地，我地會定睛於永恆。但愛世界嘅人只愛今生，所有目標都係現在，係大近視。衣食住行、肉體嘅情慾和享受、眼目的情慾、今生的名譽、地位、威風與榮耀、人生的得與失和現世嘅物質，成為這愛世界的人嘅一切和目標。

世界之子是不會放低這份驕傲，因為驕傲係愛世界全套嘅其中一部分。

若果要改變一個驕傲人成為一個謙卑人，要從他的心著手，他要由從心裡愛世界轉移成為心裡愛神，他要由愛自己變成愛天父，他要心中以今生做目標轉移為永恆做目標，他的價值放重在地上要轉移放重在天上，否則係很難勝過從世界而來今生的驕傲。所以未信主的人就要重生，信左主就要一生持定愛神和先求神的國、神的義和永恆。

戰勝驕傲的必殺技就是一生永遠以永恆的事物成為優先和目標，就是「似神」、「擁有基督精金一般的性格」、「結滿聖靈的果子」、「得著永恆的真善美」、「成聖為義」、「增加天上永恆的獎賞、福份、價值、位份和基業」等等。

每次定睛於這些，以神的眼睛去看所有事物，因為這樣做要放低驕傲是很容易的。相對，一個愛世界的人，你叫佢唔驕傲係冇可能，係比死更難，就等於你叫豬唔係泥到打滾、叫狗唔好吠、叫鳥唔好飛，叫魚唔好係水底游水呼吸。冇可能，除非你將佢地變成人。所以要打正紅心，治標要治本。